Vísnahornið




| & | A | B | C | D | E | F | G | H | I | J | K | L | M | N | Ó | P | R | S | T | U | V | W | Ý | Ö | Þ |

Árnadrápur

Aumingja Árni Johnsen á undir högg að sækja. Hann hefur hins vegar verið
þekktur fyrir að geta slegið frá sér og verður fróðlegt að sjá hverning
hann bregst við þessum öllu saman.

Myndirnar sem koma hér sem viðhengi bera þess merki að menn eru frjóir í
hugmyndum og ýmsar vísur fljúga nú um á netinu.


Hagyrðingurinn Hákon Aðalsteinsson setti þessar vísur saman:


Ljúfar stundir lífi okkar veitir
ef listagyðjan milli staða brokkar,
og mér finnst rétt að miðla út um sveitir
menningu frá þjóðleikhúsi okkar

Ýmsir telja loftið lævi blandið
og lyktina sé alveg hægt að greina,
þegar sumir flytja list um landið
í líki svartra dýrra tígulsteina.

Hákon Aðalsteinsson



Ónefndur aðili greip til handargagns vísu sem Árni söng inn á plötu fyrir
plötu fyrir nokkrum árum, þó ekki sömu plötu og fjármálaráðherrann söng inn
á og Blindrafélagið kom að vinnslunni á.


Það má kallast þjóðlegasti siður
þett´að setja Óðalssteina niður
út´í garði, undir morgunsól.
Síðan ef að upp kemst þetta ,,plottið" segi bar´að haf´úr huga dottið.
Var bún´að gleyma
þeir er í Dúfnahólunum heima.


Bjarnastaðabeljurnar
þær baula fram til nóns en
undirleikinn um sér þar
Árni nokkur Jónsen
Það kostar ekki neitt
það kostar ekki neitt
þjóðleikhúsið það fær greitt


Ýmsu breytir öldin ný.
Er mig kanski að dreyma?
Nú er kominn kantsteinn í
kartöflugarðinn heima.

Hjálmar Freysteinsson


Lygum greindi fólki frá
fantur meina grófi
Fáir leyna andstyggð á
Árna steinaþjófi.

Gísli Ásgeirsson


Árni lokaleikinn vann
á lífsins peyjamóti:
Úr formennskunni fer nú hann
með fulla vasa af grjóti.

Þórarinn Eldjárn


Árni Johnsen eins og vant
ýmsan hneykslar sveininn,
er við flesta upp á kant
og ætti að fara í steininn.

Jón Ingvar Jónsson


Árni liðugt langa fingur
lætur renna um fé og glingur
hverskyns - nema hvað.
Ef hann bara ekki syngur
er mér sama um það.

17/11 2003 Árni Johnsen "kveður"


Rósavendir, ræðuhöld,
á réttan mann þeir veðja.
Með gráti þennan góða mann,
Grundfirðingar kveðja.

Ei lengur bak við lás og slá,
má listamaður dvelja.
Úr fangelsinu föndrið má,
flytja heim og selja.

Þórður Vilberg


Eins og leiftur flýgur frétt
fer um landið illur rómur
ekkert vissi um eignarrétt
Árni Johnsen hrekkjalómur

Árna telst það ei til hróss
álitið mun hallast.
Þegar aðrir grípa góss
glæpamenn þeir kallast

Hjálmar Jónsson


Árni var talinn latur við að heimsækja kjördæmi sitt á Suðurlandi þegar hann var þingmaður. Eitt sinn gerði hann þó undantekningu á því og gerði víðreist um sveitir:


Árni sér í sveitir brá
og sýndi með því framfarir
Heimasætu hitti þá
og hafði við hana ..........viðtal

Höfundur: Ýmsir

Tilefni:

Skráð: 2006-04-05 21:30:01